Fai mai o loo silasila le Matāgaluega o le Puipuiga a Niu Sila i ni kamupani poo ni tagata foi e iai le tomai e tuuina ane ai ni fautuaga e faatatau i le ono faaaogāina o drones e vaavaaia ai le Pasefika.
O se tasi lea o vaega o le fuafuaga a le matāgaluega sa faalauiloa i le tausaga talu ai ua taula’i ai le silasila i le faatagaina o faiga faatekonolosi e pei o le faaaogāina o drones e puipui ai soifua.
Ua faailoa o le faamoemoe ina ia faaaogā drones nei e feoa’i e vaavaai ma puipui le si’omaga ma lagolago i paaga faale-Pasefika.
Ua ta’ua i le lipoti e ui e lē o faia ane se faamatalaga a le minisita o le matāgaluega, Judith Collins ae ua mae’a faalauiloa e le malo o le a faaalu le 12 piliona i totonu o le isi fā tausaga mo auaunaga a le vaega o le puipuiga.
Puna o Faamatalaga: https://www.rnz.co.nz/news/political/584070/ministry-of-defence-seeks-advice-for-plan-to-have-drones-scour-pacific
