Ua osofa’i i faamatalaga a nisi le atunuu o Niu Sila ona o le latou faamatalaga o le a lē valaauina ni observers poo i latou e mata’itūina ni mataupu, i le mataupu e faatatau i le Tuna Commission.
O le RNZ ua lipotia ai o le commission poo le komisi lea sa faaigoa muamua o le Western and Central Pacific Fisheries Commission, WCPFC ma ua sauni mo le faataunuunina o lana fonotaga i tausaga ta’itasi e faia i Suva i le faai’uga o le masina nei.
O le faalapotopotoga faavaomalo e igoa o le Accountability Fish o loo manana’o e iai ni observers o lea fonotaga ina ia faamuta ai le faia o faai’uga i tua o faitoto’a e tapunipuni ma ia faaleleia ai le faatinoina o galuega i se auala tonu ma sa’o.
Ua tusi la le faalapotopotoga lea o le Accountability Fish i le malo o Niu Sila e uiga i lea mataupu peitai ua faailoa ane e le minisita e feagai ma auaunaga, ia Shane Jones o le a le faalavelave le malo i le fonotaga o loo loma ina ia unaia ai le iai o ni observers.
Na tali ane le sui o le Accountability Fish o le lē taofia o le faia o faai’uga faalilolilo a le Komisi ua lavelave ai ma ona tiute fai e faatatau i maliega faavaomalo.
Puna o Faamatalaga: https://www.rnz.co.nz/international/pacific-news/533833/new-zealand-unwilling-to-raise-observer-issue-at-fisheries-summit
