E mautū pea le finagalo o i latou o loo tuufaatasia le Polyfest o le mautū o le taofimau o tagata Pasefika o le a faaauau ai pea ona olaola le Polyfest.
O le faaaliga aupito tele lenei i le lalolagi i le faaaliga o tu ma aganuu ma e ta’i tausaga ma faia i Aukilani i Saute e faamanatu ma faatāua ai aganuu ma una’ia ai le silafia o tu ma aga a le Pasefika ma o lea ua atoa nei le 50 tausaga o faaauau pea.
O le faato’ateleina pea o tagata auai i tausaga ta’itasi na faataunuu ai i le Manukau Sports Bowl peitai ua faailoa i se lipoti i le asō ua iai polokalame ua toe fetuuna’i ona o le tau sa’iliga o ni faaputugatupe poo funding e fai ai.
Ua ta’ua i le lipoti e silia ma le 3 miliona tupe Niu Sila e mana’omia mo lona faatupeina.
Saunoa le faatonu o le ASB Polyfest, Seiuli Terri Leo Mauu i le leitio faavaomalo a Niu Sila, e ui i le mau lu’itau ae o le a faaauau pea lana auaunaga e tusa pe ua faaitiitia lona faatupeina.
Ta’ua e Seiuli o le tāua o lenei faamoemoe ua silafia e le to’atele aemaise auā ua 50 tausaga o faaauau pea.
O le sini autū o le faaaliga i le tausaga nei i le faaperetania, Legacy, a treasure handed down ma ua faatulaga e faia i le tausaga nei i le Manukau Sports Bowl mai le aso 2-5 o Aperila.
Puna o Faamatalaga: https://www.rnz.co.nz/international/pacific-news/540211/show-must-go-on-polyfest-organisers-vow-resilience
