E silia ma le 50 le aufaigaluega a le tineimu na galulue i le tapeina o se afi na sasao ane i se pamu penisini i Fairfield i Sini i le po anapo.
O le itu na faapopoleina ai le toatele o fagu kesi tetele sa iai i le nofoaga na faaleagaina isi i le afi peitai na mafai ona faasaoina isi ina ua vave ona tape e le tineimu.
E leai se tasi o faamauina o aafia i ni manu’aga mai le afi ma e molimau nisi e 17 taavale fuimu sa iai i le nofoaga ma e malosi le sasao a le afi.
O fale o aiga e tau lalata atu i le nofoaga na mu na fautuaina le aveese uma mai o tagata na iai.
E lē o mailoa se mafuaaga sao o le afi i le taimi nei peitai fai mai nisi lipoti o le afi na amata ona sasao ane mai le vaega tonu sa iai fagukesi.
