O le a amata le tausaga fou ma suiga o le a moomia ai ona faatalosaga tagata Niu Sila mo eVisa poo electronic travel authorisation (ETA) e ulufale ai i Peretania.
O le aso 8 o Ianuari 2025 lea e amata faamamalu ai suiga nei, ma o lea e amata avanoa mai le aso 27 o Novema o le tausaga nei e mafai ona faatalosaga e tagatanuu uma e lē nonofo i Europa visa nei.
Ae mo tagata Kiwi o loo iai o latou tusifolau Europa, o lea e mafai lava ona faaaogā seia oo i le aso 2 o Aperila 2025, ona faamalosia loa foi lea o le moomia o le visa.
I le taimi nei o lea e ulufale fua tagata Kiwi i Peretania e aunoa ma le tau tāpā o se visa ma o lea faiga e na o le 6 masina le umi e mafai ona iai i Peretania.
E tolu aso lea o loo fai mai e faatali ai le faatalosagaina o le eVisa poo le ETA, ma e tusa ma le $21 tala Niu Sila lona tau.
A o talanoa ai la i suiga o visa e ulufale ai i Peretania, e lei mamao atu foi ona faia e Niu Sila suiga i le tau o loo totogi mo International Visitor Conservation and Tourism Levy o le a suia mai le $35 i le $100 ma o lea e aloa’ia e amata mai le aso a taeao, vaganā ai le tau o loo totogi e ulufale mai ai isi tagatanuu ese i lalo o le Electronic Travel Authority lea o loo faatumau pea.
Puna o Faamatalaga: UK introduces eVisa for NZ travellers | RNZ News
