Ua iai le popolega o tagata Reefton i West Coast i le leai o se foma’i faaleaiga tumau mo lea aai.
O le tolu masina a sau o le a leai ai se foma’i faaleaiga mo Reefton.
O lea sa tele ina faamoemoe i foma’i galulue faavaitaimi mo le tele o tausaga ma o le to’atele o i latou e omai atunuu mamao e mafua i le faigata ona maua o se foma’i faaleaiga tumau.
I se tali mai a le pulega a le Health NZ e lē o mafai ona maua se foma’i tumau i lenei taumālūlū, ma e to’atasi le foma’i o le a faia siaki i le na o le tasi le aso o le vaiaso ma o le utiuti foi o foma’i i Reefton e lē faapea na o ia e faapea foi isi nuu tu i tua.
Ae i lipoti a le TV1 ua o se masani a le to’atele o tagata o lea aai le leai o se foma’i, peitai o le malosi o le fūlū o loo iai e lē o faigofie mo i latou o loo moomia le vaai o le foma’i.
Saunoa John Bogen o le councillor a le itumalo o Buller, ma ia augani mai i soo se foma’i o maua lenei lipoti ua moomia lau fesoasoani ma o le a ofo mai foi le fale ma vaaia lelei oe e le itumalo.
