O le alo fusu o Samoa ia Ato Plodzicki – Faoagali ua na ‘o le pau lea o le sui o Samoa i le vaega o le au fusu na maua lana pine i taaloga o malo o le taupulega ma ua molimoli e lea alii ana taumafaiga uma i lona tinā ia Monica Plodzicki – Faoagali.
O se tala faanoanoa na faatali ai le taunuu atu o Ato i lona aiga ina ua mae’a taaloga i le toesea ai o si ona tinā pele ona o le malaga a le maliu ma le oti.
Faailoa e Ato i le sui o le Radio Samoa lea tala faanoanoa ina ua faafesoota’i i ai mo se faatalatalanoaga e ala i ana taumafaiga.
Ta’ua e lea alii na maliu lona tinā i le afiafi o le aso o lana fusuaga semi finals i le aso 6 o Aokuso ma na te le’i iloa se mea e tasi, e le’i mana’o lona tamā e faailoa atu ia te ia le mea ua tupu seia oo ina mae’a taaloga ma foi atu ai i lona aiga.
“My mum passed away on the night of my semi final fight on Saturday 6th August and I did not know. My dad couldn’t tell me until I returned home, however I knew something wasn’t right. I just felt something I’ve never had before which was absolutely no nerves and felt at peace, even leading up to the final” – Ato
Faailoa foi e Ato o si ona tinā o le poutū malosi lea o le vaega Against the Odds (ATO) mo soo se tapenaga e fuafua atu ai faipelega e lē gata i tapenaga mo taaloga tetele ma le tele lava o vaega e una’i ai lana taleni fusu.
“My mum Monica Plodzicki – Faoagali was the backbone of Team Against The Odds (ATO), Mum did absolutely everything for me and I dedicate everything I am and what I have achieved to my dearest mum”- Ato
