Fai mai Paramedics e matua’i maoa’e le mafai ona faasaoina mai soifua o i latou na aofia i se faalavelave tau taavale i le pitonuu o Meadowbank i le asō poo le ta o le fitu i le taeao.
Ta’ua mai e le 9News e lua taavale na feto’ai i Heathcote Rd ma pe ā ma le 30 tausaga o se alii na faamanu’alia ai i manu’aga i le fatafata ma isi vaega o lona tino ma galulue ai paramedics ma le tineimu i le tau aveesea mai ma le taavale ma faavave atu i le falema’i i Liverpool.
O le isi na aafia na togafitia foi i le nofoaga na tupu ai le faalavelave. O le mau a paramedics e ogaoga tulaga o le faalavelave ae o le itu e faafetai ai ona e lē o iai se soifua ma’umau. O loo su’esu’eina e leoleo le faalavelave e lē o faailoa maia foi i le taimi nei le mafuaaga.
