O le masina o Iuni o le tausaga fou 2023 ua fuafua le Komisi Su’esu’e poo le Royal Commission e lomia ma faalauiloa ai le lipoti faai’u e faatatau i le su’esu’ega sa feagai ma latou o le su’esu’eina lea o ni tulaga tau sauaga e alia’e i tausiga o tagata i Aukilani.
O le vaiaso nei ua lomia ai se lipoti i le upega tafailagi a le RNZ Pacific ua ta’ua ai le molimau a se tasi tamaitai Samoa e suafa ia Lusi Faiva lea na ia faamatala sa taofia o ia i le Kimberley Centre i le Lower North Island ma aumau ai seia 7 ona tausaga ma o i na ia faamatala ai aafiaga na iai mo ia. Na ia faamatala le nonofo faatasi ma isi tamaiti ma e eseese uma foi tagata na aumau ai ma iai mana’oga tumau ma sa ia lē iloa pe faapefea ona faasoa ona manatu ma fesoota’i ma isi ma e le’i talanoa atu foi se isi ia te ia i lona talaaga o le Samoa ma ia lagona ai e foliga e lē amana’ia e tagata lona tupuaga Samoa.
Ta’ua e Lusi o totonu o le aoga na amata ai ona sologa lelei ina ua silafia e ona faiaoga lona tagata ma amata maua ai le fesoasoani i a’oa’oga ma taleni sa ia te ia. O lona manatu talosia ia avea lona sao ua faaalia ai sona manatu i lenei su’esu’ega, e fesoasoani ai mo nai tagata o loo i le nofoaga lea i le taimi nei, ia faaleleia atili ai auaunaga mo i latou e iai mana’oga tumau.
O le tamaitai o Lusi e pei ona faailoa i le lipoti o se tamaitai faafiafia performing artist ma e mitamita o ia o le Samoa ma e aafia i le cerebral palsy.
