Ua i luma nei o le Faamasinoga Maualuga ni moliaga se lua o le faia o se gaioiga solitulafono i le saini faamalosi o le suafa o se alii leoleo sinia, i se tusi ua faailoa ai le lotomalie o le malu o le malo e na te faamaonia le nonogatupe a lē ua molia, o se tasi sa galue o se leoleo o le malo.
O le a lē faailoaina lona suafa i le taimi nei e ui e lē o iai se poloa’iga a le faamasinoga e taofia ai lea tulaga, peitai o loo iai lana talosaga e ala atu i lana loia e faia ai se poloa’iga lē tumau e taofia ai le faailoaina o lona suafa.
O le vaiaso fou o le a iloilo ai lea talosaga pe talia pe teena, ae o loo matuā teena malosi e loia a leoleo le taofia o le faailoaina o le suafa o lē o loo molia.
E lua moliaga o le forgery o loo tuua’ia ai lea tagata, ua galue nei o se tasi e vaaia le puipuiga o le saogalemu poo le security i se ofisa Amepasa o se malo i fafo o loo i Samoa.
