O se tasi alii mai Sini lea o le a tulai i le faamasinoga i le asō e feta’ua’ina le aafia i le feme’iaina o tupe taufaavalea.
O le ausuesue a le Strike Force Downstream na o latou suesueina le mataupu lenei e aofia ai syndicate o loo latou faagaioia le tusa ma le 3 miliona o tupe taufaavalea e ala i le faatauina o oloa e pei o filifili auro ma isi.
Ua toaono ai i le alii lea tagata ua molia i lenei mataupu e pei ona faamatala e le 9News.
O se fale i Greenacre na su’e e leoleo i le vaiaso talu ai ma maua iai le tele o telefoni feavea’i, ma isi masini e alu i le eletise atoa ai ma fualaau faasāina.
O loo faaauau pea le suesuega.
Puna o Faamatalaga: https://www.9news.com.au/national/man-arrested-multi-million-dollar-fraud-alleged-sydney/9be2cfc8-ba60-4595-9b5d-0d759bdfa2a7
