Ua faasā ona faailoa le igoa o le alii e 30 tausaga sa tula’i i le asō i le faamasinoga ua molia i le fasioti tagata ina ua maua le tino maliu o se tamaitai i se fale i Aukilani.
Ua faailoa e le leitio faavaomalo a Niu Sila o le Aso Toonai talu ai na molia ai lea alii i le fasioti tagata ae o Avondale na maua iai lē ua maliu.
Ua faasā la ona faailoa le igoa ina ua tula’i i le asō i le faamasinoga se’ia aulia le aso 29 o Ianuari e toe valaau ai le mataupu i le Faamasinoga Maualuga i Aukilani.
O loo taofia lea alii e leoleo ma e leai se isi o toe sa’ilia e leoleo i lenei faalavelave.
Puna o Faamatalaga: https://www.rnz.co.nz/news/national/538833/avondale-homicide-name-suppression-for-man-accused-of-woman-s-murder
