O lea ua maua ma ua molia le tina na sue e leoleo e tusa ma le tino maliu o Daniel Otess, 57 tausaga lea na maua i se kapaka i Aukilani ua uma lona soifua.
O lē ua maliu o lea na maua e nisi o tagata ma ona manuaga tuga, i le vaveao o le Aso Sa na tea nei.
Na faasalalau ai e leoleo ma le ata o lē ua molia, Whitney Iraia-Burgess, 32 taus aga, peitai o ananafi na alu ai lava ia i totonu o le ofisa o leoleo i Manukau.
Ua faamautinoa mai e le ofisa o lea ua molia i le moliaga o le fasioti tagata ma e tulai i luma o le faamasinoga faaitumalo i le asō.
Lipoti lata mai…
O loo tetee le tamaitai o Whitney Iraia-Burgess i ona moliaga e pei ona tulai ai luma o le faamasinoga i le asō.
E lei talosagaina e le loia o loo tu mo Iraia-Burgess le taofia o le faalauiloa o le suafa o lea tamaitai.
Ta’ua foi i lipoti e lei talosaga lenei tamaitai mo se avanoa e tatala ai o ia i tua e faatali ai le toe valaauga o lona moliaga, ma o lea ua taofia ai pea i le vaavaaiga a leoleo seia aulia lea aso.
O le isi toe tulai mo le isi valaauga o lona moliaga i luma o le Faamasinoga Maualuga i Aukilani i le amataga o le masina fou o Aperila
