O se teine talavou e 16 tausaga ua molia i le taupulepule e fasioti se tagata i le mae’a o le faalavelave na faamanu’alia ai se tamaitai mai le itu i Sisifo o Adelaide.
O lē na aafia e 44 tausaga le matua ma ua faailoa e tigaina manu’aga ina ua taunuu atu le vaega o fesoasoani faavavave i Marion Rd i le faaitu lea i le ‘afa o le 8 i le po anapo.
Na faavave atu ai i le falemai mo togafitiga.
Na faia saiilga a leoleo i le nofoaga lea ma maua ai ma pueina le teine 16 tausaga lea mai Brooklyn Park.
Fai mai leoleo e masani le teineititi lea i lē ua aafia.
Ua molia nei i le taupulepule e fasioti ma o le aso ananafi na faatulaga e tulai ai i le faamasinoga i Port Adelaide.
