O Jovan Pora, 20 tausaga sa tulai i le faamasisnoga maualuga i Aukilani i le asō, o loo molia nei i le fasioti tagata paivalea, ave faamalosia o se tagata ma le avetaavale a’o faasa ma le musu e fai se siaki o le toto.
O se tamaitai talavou 19 tausaga lea o loo taofia le faailoaina o lona igoa na maliu ise faalavelave tau taavale ile South Western motorway ile boxing day ole tausaga na tea nei.
Faailoa e ripoti sa iai le aiga o le talavou lea ile faamasinoga ma ua faailoa o le a toe tulai i le faamasinoga i le vaiaso fou ma ua faatulaga le faamasinoga mo le tolu vaiaso amata atu i le masina o Me.
