E 18 tausaga o le alii talavou ua molia nei e leoleo i le mae’a o le gaoiga o taumafa, televise, laptops ma isi aitema mai le aoga maualuga a Papakura i totonu o le ono masina ua tuanai.
Ua lipotia i le asō i le televise a Niu Sila lea tulaga ua faailoa ai e leoleo mai ia Tesema o le tausaga na tea nei se’i oo mai i le masina nei o Me, sa faatino ai lea solitulafono e lē ua molia.
Fai mai o aitema na gaoia e aofia ai chromebooks e 65, tv, tablets, taumafa ma telefoni ma o mea tāua uma nei i le ofoina o le auaunaga tau aoaoga.
Fai mai le lipoti ua toe tatala i tua i le taimi nei lea alii ma na tulai i le faamasinoga i le aso ananafi ma ua tuuina atu i le Youth Aid ona o nisi o solitulafono sa faatino ae na o le 17 tausaga le matua.
