E iai se alii ua molia i le fasioti tagata i le mae’a o le fanaina o se tasi o le alii o Charles Pongi i se nofoaga faasao i Aukilani i le masina o Aokuso.
Fai mai leoleo o le sui lea o le Head Hunters e 32 tausaga ma o ia sa aafia i ni gaioiga ua atagia ai sauaga e faatino.
Na maliu i le falemai i Aukilani mai manu’aga mai se fana ma sa faia iai le suesuega a leoleo.
E silia ma le 70 sui o le Head Hunters, Rebels Mcs ma isi na agai uma ane i le Taurima Reserve i Pt England e sauni ai mo se fusuaga.
E toalua la ua molia, 24 tausaga mai Mt Albert ma le 26 tausaga mai Weymouth ma o le asō na fuafua e tutulai ai i luma o le faamasinoga.
