O se tasi o tulaga na tula’i mai i le vaiaso nei i Ausetalia o loo faigatā pea ona talia e le to’atele.
O le matāupu e faatatau i se tasi o fitafita iloga a Ausetalia ua loa lana tautua i le militeli a le atunuu ae sa faafeao ane o ia e leoleo mai se vaalele aga’i i le taavale a leoleo i le malae vaalele i Sini ina ua faia iai moliaga e 5 e faatatau i soligatulafono o taua o le fasioti tagata.
Lipotia e le BBC le alii fitafita o Ben Roberts Smith lea na aofia i se faamasinoga i le tolu tausaga talu ai ma faamaonia ai sa ia fasiotia faasolitulafono nisi o tagata Afghanistan sa taofia i lalo o le latou vaavaaiga.
O le 2013 na aga’i ese ai Smith mai le Australian Defense Force poo le ADF ma ia teena uma lona faia o se gaioiga sesē i matāupu o loo tuua’ia ai.
O Ben Roberts Smith sa tauaao iai faailoga maualuluga tau militeli ma le Victoria Cross.
Puna o Faamatalaga: https://www.bbc.com/news/articles/czjwp1vjn9lo
