O le a misi foi leisi taaloga a le Moana Pasifika ile faaiuga o le vaiaso nei ina ua faailoa ua le taunuu foi le taaloga ma le Western Force ona o le pepesi o le koviti 19.
O le uluai round lea o le taamilosaga e fetaui ai au o loo faamautu I Ausetalia ma au mai Niu Sila nei mo le uluai taimi, O taaloga uma e ono sa faatulaga e faia I le malae I Melepone peitai o le pepesi o le koviti I le Western Force lea ua toe tolopo ai le la taaloga ma le Moana.
O lona uiga la o le a toe faatulaga foi lea taaloga I se taimi mulimuli ane. O le palemia o Tonga Siaosi Sovaleni na feiloai ma tama taaalo o le Moana Pasifika I Mt Smart ma ia faafetaia ai le au mo le latou fesoasoani na tuuina atu mo Tonga . Mai le toa 38 o tama taalo ua saini konekarate ile Moana, o le toa 14 oi latou ia e mai Tonga.
