Ua faamaonia e le Warriors o le a lē auai ai le latou kapeteni, Tohu Harris i taaloga o totoe o le taamilosaga ona o manu’aga.
O Harris e 32 tausaga o lona soifua, na aveese mai le fetauiga a le Warriors ma le Bulldogs ona o le faaletonu i lona lima ma sa faia iai togafitiga lea la ua faailoa mai i le asō o le a lē aofia ai i lana ‘au o le a finau mo so latou avanoa i finals o le taamilosaga.
O lona uiga la ua faaopoopo atu ai ma le kapeteni i le lisi o le aumanunu’a o iai nei a le ‘au e aofia ai Shaun Johnson, Rocco Berry ma Luke Metcalf ae toe fitu taaloga o loo totoe o le taamilosaga.
O Mitch Barnett lea o le a faaauauina le tofi kapeteni mo le taimi nei.
O le Aso Faraile e fetaui ai le Warriors ma le Raiders i Canberra.
Puna o Faamatalaga: https://www.nzherald.co.nz/sport/rugby-league/warriors/warriors-captain-tohu-harris-to-miss-rest-of-nrl-season-after-wrist-surgery/NAOZ74NMORBVVGGBKPNRFJIGCQ
