O tagata o loo mautotogi i faaitu e pei o le North Shore, Porirua ma Manukau o loo aupito sili atu ona taugata a latou rent o loo totogi i le vaiaso i le taimi nei i Niu Sila.
O faamaumauga ia mai le upega tafailagi a le Trade Me Property ua faailoa ai o le au mautotogi i North Shore ua oo atu i le $730 i le vaiaso le totogi taatele o loo iai mo fale mautotogi i lea faaitu.
O Porirua ua oo atu i le $695 i le vaiaso le average rent ae o Manukau ua oo atu i le maualuga e $690 i le vaiaso.
Ta’ua e i latou o loo feagai ma le auaunaga lea a le Trade Me se upega o fefaatauaiga, o fale mautotogi i le aai i Aukilani faapea foi Ueligitone e mātele i townhouses ma units o le mafuaaga lea e foliga ai e taugofie mai ia faaitu peitai o le mea moni lava ia o fea lava o loo mautotogi ai le tagata e mautinoa ua sili atu le tau ua totogi i le taimi nei nai lo tausaga ua tea.
