Ua maitauina le maualuga o le aofai o tagata matutua i Niu Sa Uelese o loo i le falepuipui e faatali ai faamasinoga e faatatau i moliaga tau sauaga i aiga.
Ua lipotia e le 9News, ua maualuga le aofai o tagata ia o loo taofia i falepuipui i Niu Sa Uelese ona o moliaga o sauaga i aiga ma ua siitia i le 24 pasene talu mai Tesema o le 2023.
Ua ta’ua ua silia nei ma le 1,800 tagata matutua o loo taofia ona o ituaiga moliaga faapea, ua molimau foi pulega o falepuipui o moliaga lava nei ua maitauina foi i isi falepuipui o loo siitia ai foi.
E lē gata i lea, a ua maitauina foi le siitia i le 5 pasene o le aofai o pagota i falepuipui talu mai Iuni o le tausaga na te’a nei.
O le to’atele o i latou o loo feagai ma ia moliaga o loo faatalitali pea aso e tūtūla’i ai i le faamasinoga e tali i moliaga.
Puna o Faamatalaga: https://www.9news.com.au/national/number-of-nsw-adults-on-remand-for-domestic-violence-at-record-high/85f4c0b6-56e2-4274-bce5-ec4b23533f74
