I le lua masina e amata mai ia Iuni faasolo mai i le masina na te’a nei o Iulai sa fai si maualuga ai o tau o oloa tau suauu ma penisini i Samoa, ua faailoa e le matagaluega o tupe a le Malo le iai o se faamāmā avega mo lenei masina o Aokuso i le tau o ia oloa.
O le penisini sa 3 tala 46 sene i le lita ua pa’ū i le 3 tala 11 sene i le lita.
O le suauu kiso sa 3 tala 46 sene foi i le lita o lona tau fou ua 3 tala 25 sene i le lita.
I le ma le karasini o lona tau fou ua 2 tala 88 sene i le lita e faatusa i lona tau sa iai ia Iuni ma Iulai sa 3 tala 5 sene i le lita.
O loo talosia ia sosoo foi ni masina se lua o faatumau pea ia tau fou o suauu ma penisini.
