Ua maua tino maliliu o tagata e to’atolu lea na i totonu o le taavale na lavea ma magoto i le vai i Marlborough.
E lata i le itula e 2 o le vaveao ananafi lea na lavea ai i le fetaula’iga o auala i le State Highway 1 ma Bush Road i Tuamarina ma e faapea e to’alima sa i totonu o le taavale.
O le isi to’alua o lea na mafai ona oese saogalemu e ui o loo faamanu’alia foi.
O le isi to’atolu lea na magoto faatasi ma le taavale i le vai na faato’ā maua e leoleo ananafi pe tusa o le 12 i le aoauli.
I se lipoti a le 1News o le to’atolu ua maliliu o lea na maua uma i totonu o le taavale.
Puna o Faamatalaga: Three bodies recovered from car that crashed into Marlborough river (1news.co.nz)
