Ua maua se faamāmā avega mo le aufaitaavale i le vaiaso nei ina ua lipotia pea le faaitiitia o le tau o le penisini.
Fai mai ua silia ma le 20sene ua faaitiitia mai ai le tau o le penisini 91 i le tele o pamu pe a faatusa atu i le tau na iai i le vaiaso talu ai.
Fai mai lipoti lata mai o ananafi lava ia i Aukilani o le tau taugofie ua faamauina i le Mobil i Cavendish Drive i Papatoetoe ua faamauina ai le penisini 91 e $2.56 sene i le lita e pei ona lipotia e le Newstalk.
O le maua ai o le faamāmā avega i lenei vaiaso i pamu penisini ua mafua i le faaitiita foi o le tau i atunuu i fafo, ma fai mai le minisita o malosiaga Megan Woods i le lipoti lea, sa fautuaina kamupani penisini e faapa’ū fuel margins.
