Ua maua i totonu o Fiti le vairusi fou o le Koviti, le XBB.1.5.
O le vairusi lenei o loo iloa ai foi e nisi i lona igoa ua ta’ua o le Kraken ma o lea e lei tele ni aso talu ona sau le tala ua maua i totonu o Niu Sila.
O le sau ai o ripoti mai le soifua maloloina a Fiti i le afiafi ananafi ua sau ai ma le tala ua sauni Fiti e toe iloilo taiala o loo tatala ai nei ona tuaoi.
Ae i ripoti mai le World Health Organization e oo mai i le taimi e tuufaatasia ai tala fou ua 31 atunuu ua maua ai le XBB.1.5 ma e pau le tala ua mautinoa i le taimi nei, o le vairusi e saoasaoa tele lona pipisi.
I Fiti o loo iai le talitonuga o le matagaluega o le soifua maloloina e iai isi vairusi ua maua i tua i le komiuniti ma o loo tulimataia nei.
