O le mental health poo le soifua maloloina o le mafaufau, o se tasi lea o itu tāua ua matuai moomia e le komiuniti na aafia ona o le afā o Gabrielle.
Mo i latou ua maliliu ai tagata o aiga, mamate fagafao, leai ni fale po ua lē mafai foi ona toe foi i aiga, e le o se taimi faigofie ma o lea ua oo iai auaunaga a nisi o faalapotopotoga e ana lea pitolaau.
O le Mental Health Foundation lea foi sa galulue i taimi o mafuie i Kalaiesetete, o lea ua faaoo atu foi lana fesoasoani e ala i le faatalanoa ma fefaasoaai ma le toatele o tagata mafatia.
I Hawke’s Bay ma Gisborne o lea ua taunuu nisi o tagata Pasefika e iai le tomai faapitoa e le gata e fesoasoani i le itu tau soifua maloloina ae o le ofoina atu o le fesoasoani tau i le mafaufau i tagata galulue faavaitaimi lea na aafia ma laveaiina mai le afā.
I se finagalo o Debbie Sorensen o le Pasifika Medical Association, na ia ta’ua ai, o le talanoa, malamalama ma tau fai lagona le mafatia o i latou nei, o se auala sili lea e faamāmā ai le mamafa o le mafaufau aemaise le tele o mafaufauga eseese o loo ui ai i latou nei.
