O tino maliliu o tagata e toalua na maua ane mai le Patapsco River i le taeao analeila i le mae’a o le faalavelave tele i Francis Scott Key Bridge in Baltimore i le vaiaso nei.
O tino maliliu e lua o ni alii na maua ua taomia i totonu o se pikiapu lanu mumu i le ogatotonu o le vaega na pa’ū agai iai le ala laupapa.
Ua faailoa o la suafa o Alejandro Hernandez Fuentes 35 tausaga mai Mexico ae nofo i Baltimore, ma le isi o Ronial Castillo Cabrera ma Guatemala 26 tausaga.
Faailoa mai e leoleo sa feagai ma le suesuega ua taofia ai foi ma le suesuega.
E pei ona silafia o le faalavelave tele lea na faaleagaina uma ai le ala laupapa, le Francis Scott Key bridge, tele lea ina ua aafia atu i se vaa la’uoloa na ui atu ai i le faaitu lea ae tulai mai ai se faaletonu.
O le faaleagaina la o le ala laupapa e lē taumate o le a tele foi se aafiaga i le tamaoaiga o lea faaitu aemaise o le sapalai o oloa i le atunuu.
