Ua fautuaina mātua i lamatiaga tau le soifua mālōlōina o le faaaogā o se fagususu e faamoe ai se pepe, ua faia mai lea fautuaga i le mae’a o se su’esu’ega na faia ma ua faailoa mai lona faai’uga ua ta’ua ai o lea faiga e iai lona sootaga ma le aafia o nifo o lea pepe ma le faatupula’ia o le lapo’a i taimi o tuputupu a’e.

O le asō ua lomia ai le i’uga o lea su’esu’ega i le Australian and NZ Journal of Public Health ma sa ta’ita’ia e le ausu’esu’e mai le Iunivesite o Sini ma faaaogā ai faamatalaga sa aoina mai i su’esu’ega a le Western Sydney Uni lea latou te mata’itūina le silia ma le 700 o pepe e fananau mai se’ia oo ina tuputupu a’e.

Fai mai le su’esu’ega e silia ma le 30 pasene o tamaiti ta’i 2 tausaga le matutua o loo faaaogā pea le fagususu e faamoe ai ma ua maitauina ai o tamaiti ia e aupito faatupula’ia le lapopo’a o tino ma aafia foi nifo a o tuputupu a’e.

Fai mai le ausu’esu’e e ui o loo manatu mātua ma le autausitama o le faasusu o le pepe i le fagususu ma faamoe ai o se gaioiga taatele ma sa’o, peitai o aafiaga ia e oo iai le tamaitiiti ma ua fautuaina le amata faata’ita’i ona faainu i le iputi o le pepe i le ono masina ma taofia le faaaogāina o fagususu i le 12 masina.

Puna o Faamatalaga: https://www.9news.com.au/national/bottlefeeding-toddlers-to-sleep-linked-to-dental-and-weight-problems-study-finds/9d0085fd-5171-40d9-9927-15bf4bd9750d