O le tama taalo a Kuiniselani o Reuben Cotter lea ua manumalo i le Wally Lewis Medal ma o le tama taalo aupito lelei foi lea o le taamilosaga 2023 o le State of Origin na faamae’a i le po anapo i le taaloga i le Accor Stadium.
E silafia e le toatele le iuga o le taaloga faaiu o le Origin i le po anapo na alofia ai le malo atoa o Kuiniselani i le series ina ua manumalo le Blues mai NSW i le taaloga lea i ‘ai e 24-10.
O le ‘au fai filifiliga poo le voting panel mo le tama taalo aupito lelei o le taamilosaga e aofia ai Mal Meninga, Darren Lockyer ma Laurie Daley, ua o latou filifilia ai Cotter e ui e toatele foi na manatu o le a faamanuiaina ai le alii o Hamiso Tabuai Fidow lea foi na tulaga maualuga lona taumafai.
O le tama taalo o le taaloga i le po anapo na mauaina e Cody Walker.
