Ana faapea o le faigapalota tele lea ua fai, o le National ma le ACT ua mautinoa la te osia le faigamalo fou.
O le iuga lea o le palota faapolokiki a le 1News Kantar Public poll.
E 37% lea na maua e le National mai le palota ma o se faaopoopoga e 3% ua alu ai i luga, ae pau le Labour i le 1% ma maua ai le 35%.
O le Green Party lea e fai si tigaina o le sau i lalo, mai le 11% mai le palota talu ai, o lea ua saofai i le 7%.
A faaliliu pasene nei i nofoa o le maota, o le National e 47 nofoa ma le ACT e 15, ma o lona uiga ua maua ai le 62 nofoa e moomia le osi o se faigamalo.
O le Labour e na o le 46 nofoa, ma a tuu iai le Greens e 9 ma le na o le 3 nofoa a le Pati a Maori, e na o le 58 faatasi ma e le o ausia ai le fuainumera e toe foi mai ai le Labour.
Ae a tuu mai i le Palemia e mananao iai tagata, o Chris Hipkins o loo fiafia iai e pei ona ia mauaina ai le 25%, faatoa sosoo atu iai le taitai o le National, Christopher Luxon ma le lona tolu o David Seymour o le ACT.
O le palota faapolokiki lenei a le 1News na faia i le va o le Aso Toonai ma le Aso Lulu o le vaiaso nei.
