O loo faaopoopo pea le tele o fualaau faasāina e maua, a lē o le uafu o le malaevaalele.
E 35 kilokalama o le cocaine, e tusa lona tau ma le $15.7 miliona pe a faatau i tua, na maua e le vaega o tiute i le vaa na taula i le uafu i Tauranga.
I se molimau a le sui o le vaega o tiute, o lea sa faalafi mai i le afi o se tasi o container la’uoloa e tumu i fa’i.
A o suesueina ai pea e leoleo, ua fai mai ai foi ma le pulega o le uafu i Tauranga e lē faanatinatia galuega a le vaega o le tiute, o lea lava o le a tuu pea e suesue auā e fesoasoani tele lea i le agai i luma, ma e tusa lava pe taligā ai ma uta na sau ma le vaa.
O le vaa la’uoloa na maua ai cocaine i totonu, na malaga mai Panama ma taunuu i Tauranga i le Aso Tofi o le vaiaso talu ai.
O le lua vaiaso talu ai na maua ai foi i le uafu i Aukilani le 140kg o cocaine e sau ma le vaa la’uoloa.
