Fai mai e ono aafia lava Niu Sila i le afā o Vaianu i le faai’uga o le vaiaso.
O se tala lata mai lea e pei ona lipotia i le RNZ ma ua faailoa ai e le vaaitau afai ae aafia le atunuu i lea afā, o le a malolosi matagi, timuga mamafa ma lamatiaga i gataifale o le atunuu.
O Northland lea e ta’ua e ono aafia i le Aso Toonai.
O le taimi nei o loo faamauina le malosi o le afā i le Vaega 2 poo le Category 2 ma ona matagi e oo i le 100 kilomita i le itula.
Fai mai le vaaitau o loo faaauau ona aga’i ane le afā o Vaianu i le itu i Saute o le atunuu ma o loo i le va lava o Niu Sila ma Fiti.
Fai mai le lipoti o loo fuafua e aga’i ane le afā i luga o le atunuu i le Aso Sa ma le Aso Gafua ma o le a aafia ai le atunuu i timuga ma matagi malolosi.
Puna o Faamatalaga: https://www.rnz.co.nz/news/national/591809/experts-await-latest-weather-models-to-get-clearer-picture-of-cyclone-vaianu-s-path
