Ua suesue nei le mu o le Loafers Lodge i Ueligitone na susunu e se tasi.
Mai leoleo ananafi ona o lea tulaga, ua suesueina ai nei foi ma le toaono ua maliliu o nisi ua faaoo iai e se tasi le oti.
E iai igoa ua taulai nei iai suesuega a leoleo e tusa ma le amataina o le mu ma o loo faaauau pea nei suesuega.
Ona o suesuega faagasolo e le o mafai ona faamautinoa mai poo ai i latou ua masalomia ae poo nisi foi e nonofo i lea fale pe leai.
E uma suesuega ananafi o loo tumau lava le aofaiga o tagata ua mautinoa ua maliliu i le toaono ma o lea lava foi o loo iai lava i le fale ua mu e lei aveesea mai, ma le toatasi o loo taofia i le falemai.
I faamaumauga ua tuuina mai e i lalo mai o le 20 i latou o loo tau sailia pea ae 92 lea ua maua.
Ae i nofoa e faapea na muamua mu a o lei mu le taualuga o le fale, o loo suesue nei pe fesootai.
