Ua manuia ma malolosi le to’a 24 o tagata mai le aofaiga e 31 na maua i o latou suega poo test ua nofo iai le siama o le faama’i o le Koviti19.
Ua totoe ai nei le to’a 7 o loo mataitū pea e le Soifua Maloloina ma o lea aofaiga e to’a 3 mai le pasese na malaga mai Brisbane Ausetalia ma le to’afa o tausi soifua.
Na faailoa lea tulaga e le Faatonu Sili o le Soifua Maloloina i le feiloaiga masani ma tusitala i le Aso Tofi.
Taua e Leausa Dr. Take Naseri “ E oo mai i le aso ananafi (Aso Lulu) toe to’atolu a pasese lea e totoe nei, o pasese ia o lea ua faalua ona test e negative ae ona o tuutuuga ia matou te faia seiloga e ta’i tolu negative test ona matou talitonuina lea ua sefe mo le public ona release atu ai lea i tua i aiga. O le toatolu lea o loo iai le faamoemoe taeao aena toe alu ai isi faiga test a negative ai loa ona faapea foi lea ona te’a i tua.”
Taua foi e Leausa o le toatele o i latou uma o le pasese lea na positive na amata na o i tua ma e eseese taimi na o ai pasese i tua ma e faasolo pea test mo i latou o loo totoe afai ae negative ona tatala lea i tua i o latou aiga.
O tausi soifua e toafa o loo totoe o loo maua mai foi iuga o latou suega poo test o loo negative foi ma e mataituina pea seia toe fai iai suega.
O malaga faapitoa poo repatriation flights mai Niu Sila o lea ua iai le fuafuaga sei loga e maea lelei le 21 aso poo le 3 foi vaiaso o faanofoesea le aumalaga ma taunuu mai i le vaiaso ua mavae ona faatoa fuafua lea o leisi faigamalaga.
Ua faia lea fuafuaga ina ia fetaui le taunuu o ia malaga ma le avanoa o nofoaga o loo faanofoesea ai pasese poo tagata ua toe foi atu i Samoa.
