Ua toe nei o se aga ona aulia lea o le 80 tausaga talu ona mae’a le Taua Lona Lua a le Lalolagi poo le WWII.
O se vaitau e toe tomānatu ai ma manatua le tautua ma le sao o tua’ā na ofoina atu o latou ola e tau mo se filemu.
Ma i le faamanatuina ai e Niu Sila o le ANZAC Day i lenei tausaga ua faamauina ai foi le atoaga o le 110 tausaga talu ona tulaueleele ‘autau a Niu Sila ma Ausetalia i laueleele o Gallipoli.
I faamaumauga i le numera o tagata Niu Sila na tautua o ni fitafita o le atunuu i le Taua Lona Lua a le Lalolagi, e silia ma le 200,000 i latou na tautua i lea vaitau, ma e faamauina e itiiti ifo i le to’aselau tagata o i latou na o loo soifua mai pea.
O le tasi o tagata tau a Niu Sila, e suafa ia Fred Jackson ua atoa nei le 102 tausaga o lona soifua, ma i talaaga o lenei tamā, sa tautua i le vaega‘au a Niu Sila, le Royal New Zealand Air Force i le Atu Pasefika.
Na ta’ua e Fred Jackson, e ese foi ona faalogona pe a toe tomānatu i le vaitaimi a o iai i taimi o taua.
E oo atu i le 140,000 fitafita Niu Sila na aga’i i atunuu mamao e tautua ai i lea vaitau, ma e mai lea aofa’iga, e to’a 11,700 na maliliu ai.
Puna o Faamatalaga: https://www.rnz.co.nz/news/national/558923/nz-s-last-wwii-vets-on-anzac-day-it-is-a-day-that-should-never-be-forgotten
