E faitau afe tagata faigaluega i auaunaga lautele ua leai ni galuega ma ua feagai foi ma le mau lu’itau ma ua faailoa ai e nisi ua leai se uiga e toe sailia ai o nisi galuega fou i Niu Sila ae sili ai le saili manuia i atunuu i fafo.
Ta’ua i le lipoti a le Newshub se faamatalaga mai se faauluuluga o se tasi kamupani saili galuega i Ueligitone ua ta’ua ai o se taimi aupito sili ona leaga lea i le maketi o galuega talu mai le 2009 ma e silia ma le 6 afe isi avanoa faigaluega i auaunaga lautele ua leai po ua faaitiitia foi le aofai.
Sa faailoa foi o le setete o Vitoria o loo ofoina mai le tele o le tupe i galuega ma ua agai atu iai le toatele.
Fai mai le molimau a isi e lē o fia agai ese ma Niu Sila ona o mafutaga ma aiga ma uo peitai ua leai lava se isi tali se’i vagana ona o le saili galuega atu i isi atunuu o loo mafai ona ofoina mai ai se fesoasoani nai lo Niu Sila lava ia.
Puna o Faamatalaga: https://www.newshub.co.nz/home/politics/2024/06/no-point-job-hunting-in-new-zealand-public-servants-moving-overseas-say-amid-struggling-economy.html
