E toatele e talitonu e le taumate e ono auai pe tuuina mai foi se saunoaga faapitoa a le aigatupu aemaise lava le Tupu o Salesa, i le aiga ma alo o se tasi o tagata faafiafia a Ausetalia ua iloa tele i lona igoa o Dame Edna Everage lea ua maliu i le vaiaso nei.
O Barry Humphries ua lipotia sa iai sona nofoaga faapitoa i fatu o le aigatupu mo le tele o tausaga ma o loo lipotia na valaau mai lava iai i le telefoni le Tupu o Salesa ia Humphries i ni nai itulaga ae maliu loa.
Ua tele taimi i le tuanai ua feiloai ai Dame Edna ma le tupu tamaitai sa iai o Peretania, Kuini Elisapeta ma sa avea foi se sui faasalalau aloaia a le Alaata 9 a Ausetalia i le faaipoipoga a Perenise Viliamu ma Kate i le 2011.
E le o mailoa i le taimi nei aso o toe sauniga o Dame Edna poo Barry Humphries ae toatele ua faailoa faamaisega ma feau o alofaaga mo si ona aiga, o se tasi lea o tagata faafiafia iloga a Ausetalia.
