E manatu se tasi o tagata iloga a Niu Sila i le lakapi, Sir John Kirwan o le a maua le avanoa o le alii o Roger Tuivasa Sheck i le All Blacks mo le la taaloga ma Aialani i le masina o Iulai. 

O loo iai nei Tuivasa i le Blues lea o loo tulaga muamua i le Super Rugby Pacific ma na tulaga ese foi le taalo i le fetauiga a le Blues ma le Brumbies i le vaiaso talu ai.

O le faamatalaga a Kirwan i le Sydney Morning Herald na ia ta’ua ai e na te iloa o le a maua se avanoa o Tuivasa i le All Blacks auā e ese foi se mea na te aumaia i le ‘au. Faailoa e Kirwan o le a maua e le All Blacks se tama taalo e lotomaulalo, faalogo i faiaoga ma naunau ia lelei le taalo.