Ua toe faamanino lelei mai e le premier o Niu Sau Uelese e tatau ona agai I luga le numera o tagata e faia siaki o le koviti ona faatoa silasila lea I le faamamaina o vavao poo sa o loo feagai nei ma le setete.
O le aso ua faailoa mai e le o iai se case fou I le komiuniti mai le silia ma le 10600 o siaki na faia mulimuli nei.
Mai siaki sa faia e oo mai I le ta o le 8 I le po anapo lea sa faamauina ai tagata e 8773 lea ua siitia laititi mai ile silia ma le 10 afe peitai fai mai Berejiklian e manaomia le maualuga teisi ifo o le numera.
Unaia foi e le minisita o le soifua maloloina Brad Hazzard tagata ina ia faia siaki ma ia taua ai o le faia o le siaki o le auupega lea e mafai ai ona taofiofi le pepesi o le faamai. E lua isi cases fou sa faamauina mai tagata na malaga ane I le setete lea o loo faanofoesea
I le aso ua faamaonia mai e Vitoria le aveesea mai o le tele o vaega o Niu Sau Uelese mai le red zone ma ua faamauina nei I le orange zone o lona uiga o le a manaomia nao le talosaga ise pemita ma faia le siaki ole koviti pe a taunuu I Melepone tagata Sini ma isolate ai I o latou fale ao faatalia iuga o siaki.
Ua vaaia ai le toe vave saili o nofoa o tagata I vaalele mole toe asia o aiga ma uo I Melepone ina ua mama mai ia sa, sei vagana ai nisi o faaitu o Sini o loo iai pea I le red zone ma afai e malaga I Vitoria o le a faanofoesea mo le 14 aso
