Ua i lalo nei o le matāgaluega o leoleo, falepuipui ma le toe fuata’ina le puipuiga o le saoglemu ma le vaaiga o se tama’ita’i talavou, sa molimauina i le Aso Lulu o lenei vaiaso le salalau i le api o foliga o se ata video o loo faailoa ai sauāga na faia iai e se tinā ma nisi o tama’ita’i.
E lē gata o le saisai o lima o lea tama’ita’i, ae o le faaoolima iai ma faatino foi se gaioiga e le tinā o loo iloa se vaega o ona foliga i le video o le umia o le seleulu sa ia ‘oti ai le lauao o lea tama’ita’i i se gaioiga e lē talafeagai.
Ua faailoa e le matāgaluega o leoleo, falepuipui ma le toe fuata’ina latou te matuā teena ma lē talia ia ituaiga o faiga ma gaioiga solitulafono.
O le iai o le tama’ita’i talavou na faia iai lea tulaga i le vaaiga a leoleo, ua faagasolo ai foi ma se su’esu’ega ia i latou na faia ia tulaga lē lelei.
Ua solipala ai e le auaunaga a le matāgaluega o leoleo soo se sauāga i totonu o aiga e aafia ai le ola ma le soifua saogalemu o soo se tagata o se aiga aemaise i fanau ma le ituvai o tinā ma tama’ita’i.
