Toe tali atu Ausetalia i le finau mai a Niu Sila mo le Constellation Cup i le taaloga o le netipolo.
O le uluai taaloga lea ua toe faia a le Diamonds i ona laufanua talu mai le silia ma le afe o aso ma sa faatumulia ai le John Cain Arena i le po anapo ma vaaia ai le manumalo o Ausetalia i lea taaloga 62-47 a Niu Sila.
O se manumalo ua maua i le taimi o loo feagai ai foi teine taaalo ma le netipolo a Ausetalia ma nisi o luitau i mataupu e aofia ai le latou togiga ma le lagolago a le Hancock Prospecting lea foi na upuia ai e nisi isi sui o le ‘au.
O lona uiga la o ai lava o le a manumalo i le taaloga mulimuli o le faamoemoe lea e faia i le Gold Coast, o le ‘au lava lea o le a mau ai le Constellation Cup mo lenei tausaga.
O le Aso Sa nei lea ua faatulaga ai lea taaloga.
