Ua faamaonia mai o Seti Tuaopepe o ia lea na malemo i le Aso Lua a o iai i le matafaga i New South Wales i Ausetalia.
O loo lipoti a le Herald o Tuaopepe na taumafai e laveai lana fanau a o iai i taelega i le sami ma e faapea o lea sa ia taofia pea nai ona alo a o faatali le laveai, mulimuli ai ua lē mafai ona ia laveaia lona lava tagata.
E uma le soifua o le tamā o loo iai nai ona alo e toalima, ma na tapunia ai ma le matafaga i lea aoauli ae saili seia oo ai ina maua lona tino maliu i le lata i le 4 itula mulimuli ane talu ona su’e.
Ua lipotia o Tuaopepe, e 35 tausaga o lona soifua na soifua ane i Samoa, faaauau mai ai i Niu Sila seia oo atu ai i Ausetalia.
O le matafaga lenei i Sisifo o Sini na faatoa tatala i nai vaiaso talu ai i tagata lautele mo taelega.
