Tusia – Maina Misa Fomai – Vai
O le taeao nei na maua ai le tala faanoanoa i le maliu faafuase’i ai o le Minisitā Lagolago o le Matagaluega o Faatoaga ma Faiga Faiva ia Vaele Paiaaua Iona Paiaaua Sekuini.
Na faamaonia mai e se tasi ona auaiga e faapea na matapogia i lona fale i le taeao nei ma maliu ai. Ua 56 tausaga o Vaele ma na faailoa e le lona tauaiga o se tagata loto maualalo ma e fiafia iai lona itumalo. E maliu nei Vaele o ia umia le taitaifono o Tupe o le Komiti Faapalemene o le Palemene o Samoa, ma o se sa lagolago atu i le Minisita o Faatoaga ma Faigafaiva Afioga Laaulialemalietoa Leuatea Schmidt e ala i lona tofi Minisitā lagolago.
O ia o le Sui mai le Itumalo o Gagaifomaua Numera 2 i le Palemene o Samoa. E lei tuuina mai se faasalalauga mai le malo I le taimi nei e tusa ai o le Maliu o Vaele, ae o loo fono le kapeneta i le taimi nei.
Faamaise le Alii i le tinā faanoanoa ia Mati ma le nofoaalo.
