O se tala faanoanoa mai se nofoaga e lata i Geelong lea ua lipotia mai ai le malemo o se teine talavou na o le 12 tausaga le matua ma le isi teineititi na laveaia mai i Ocean Grove i le Penisula i Victoria i le aso ananafi.

Ua faailoa i lipoti o i laua ia e toalua sa taeele i le faaitu lea i le tea o le 6 i le afiafi ae tupu ai se faaletonu. 

Na laveai e se tagata sa i le matafaga i le taimi lea le isi teineititi ma ave ai i le falemai.

O le isi teineititi na ave ane i le pa’umatu ma taumafai iai galuega fesoasoani peitai na maliu ai lava i lea vaega.

Na lipotia e le Ambulance Victoria e iai foi le isi alii ma le tamaitai pe ā ma le tai 40 tausaga na ave atu foi i le falemai ae o loo manuia.

O loo faatalia se isi lipoti lata mai i le mataupu lenei.