Na malemo ma maliu le tamaitiiti i le Memorial Park i Tauranga ananafi.
O le ‘afa o le itula e 9 i le taeao ananafi na oo ane ai lipoti i le ofisa o leoleo, ma e faapea e taunuu atu le au laveai ua lē iloa e le tamaitiiti se isi.
E ui i le taumafai atu e toe faate’i ae sa lei manuia, ma maliu ai lava i le paka.
Mai le city council a Tauranga o loo pulea le paka, o lea ua oo atu lipoti ma ua faamaise foi i le aiga faanoanoa e tusa ma le maliu faafuasei o le tamaitiiti.
O le vai na malemo ai lē ua uma lona ola, na faapaia i le 1962 ma o lea na toe faaleleia i le 2009.
Ae i faamaumauga a le Water Safety NZ, o le malemo le mafuaaga e tele ina maliliu ai fanau i Niu Sila e i lalo o le ta’i 5 tausaga le matutua.
