O le asō e malaga atu ai i Ausetalia le minisita o tupe a Niu Sila, Nicola Willis e talanoa i avanoa tau fefaatauaiga.

O le taeao nei na faailoa mai ai le faigamalaga a le minisita ma o le talanoaga o le a faatatau lea i suiga ua agai mai ma le faigamalo fou a Niu Sila o loo iai i le taimi nei.

O Niu Sila ma Ausetalia e mafanafana la laua mafutaga i itu fefaatauaiga e tusa ma saunoaga a le minisita, ma e aogā tele lea mo le unaia o pisinisi aemaise le tamaoaiga o atunuu i lona aotelega.

E le gata la i taitai o le malo a Ausetalia ae o le a maua foi lona avanoa e feiloai atu ai i nisi o tagata faipisinisi.