O tamaiti e toalua lea na feta’ua’ina le fasiotia e le la tina ma lafoai i ni atopa’u i Aukilani ua mafai nei ona faailoa igoa.
Ua faia lea faatatau ina ua faalēaogāina e le faamasino le poloaiga sa faasā ai ona faailoaina.
O Minu Jo ma Yuna Jo na maua tino maliliu i totonu o atopa’u ia Aokuso o le tausaga na tea nei ina ua faatau e se aiga atopa’u ia mai locker i Papatoetoe i se faatautu’i sa faia i luga o upega tafailagi.
O le aiga lea sa o latou aveina ane ni oloa e aofia ai ma atopa’u ia i le fale i Clendon Park ma iloa ai le tulaga ua tulai mai i nai tamaiti ia e toalua.
Fai mai le One News o le taimi lea na faailoa ai e leoleo o tamaiti e foliga na maliliu i nai tausaga i luma atu le tausaga lea e fua i le tulaga na vaaia i suesuega.O Minu na fanau i le 2012 ae o Yuna o le 2009 ma o loo feagai ai nei le la tina ma moliaga e lua o le fasioti tagata.
