O pulega faalotoifale local councils o le a faatagaina latou te pulea ma faatautaia auaunaga o femalagaa’iga lautele nai lo le faakonekarate o ia galuega i kamupani umia sa’oloto, ma ua mafai lea tulaga i lalo o tulafono fou ua folasia e le malo i le asō.
O le minisita o Felaua’iga Michael Wood sa ia faailoa e faamoemoe o le suiga lea o le a fesoasoani ai i le Council e pulea mataupu e pei o le faaitiitia o avepasi ma isi faaletonu i ia auaunaga.
Fai mai ua aveese e le malo le Public Transport Operating Model sa sau ai mai le tuanai ma suia i le Sustainable Public Transport Framework.
E manatu le minisita o le faiga lea faatasi ai ma suiga i le Fair Pay Agreements, o le a faaosofia ai le to’atele e avea ma avepasi i le lumanai aemaise avevaa ma foia ai le faafitauli o loo tula’i mai i le taimi nei.
Vaofilifili & Le Soga
0 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
