Ua tālia nei se filifiliga o se Komesina fou o le Matagaluega o Leoleo, Falepuipui ma le Ola Toe Fuata’ina, ina ua mae’a ai i le vaiaso na te’a nei le faatalanoaina o i latou sa talosaga i le avanoa.

E to’alua le ‘au talosaga i le avanoa o le Komesina o Leoleo mai fafo atu o le Matagaluega o Leoleo ma nisi o Leoleo sinia o loo talosaga. O se faatalanoaga ma le ta’ita’i o le Malo le afioga i le tamaitai Palemia i se vaiaso e lei mamao atu, sa ia faaalia ai o le filifilia o se faauluuluga o lea matagaluega e faatali se’i toe taliu mai le Minisita o le matagaluega sa toesea i atunuu i fafo.

O le Aso Sa ua mavae atu nei na toe taunuu ai i fanua le Minisita o le matagaluega le afioga Faualo Harry Jeffrey Schuster.